Atvinnuauglýsingar

Bara spyr svona af forvitni ... en eru þessar stöður auglýstar og meðhöndlaðar eins og hver önnur staða sem verið er að ráða í?

Ný stjórn LÍN skipuð

Skammið mig ef ég hef rangt fyrir mér ...

... en:

"að hann hafi aldrei hlaupið frá verki sem hann hafi tekið að sér og það muni hann ekki gera nú" 

Hætti hann ekki sem borgarstjóri á miðju kjörtímabili?

"Ég þurfi bara að fara frá af óefnislegum ástæðum"

Já, alveg rétt... það hefur enginn lengur efni á því að hafa þig sem seðlabankastjóra.

Kaldhæðnislega, þegar ég reyni að opna Bréf Davíðs Oddssonar í heild þá fæ ég villu "this document is damaged and can not be repaired" :D

Davíð segir ekki af sér

Fjögurra mánaða ráðherrar

Uppstokkun ráðherrastóla ... eins og Ágúst bendir á þýðir að á þessu ári stijum við líklega upp með svipaðar aðstæður og í borginni í fyrra ... þrír forsætisráðherrar á einu ári (allir hinir líka gefið að enginn sá sami verði eftir kosningar).

Hvað þýðir þetta fyrir Íslendinga? Hvers konar lífeyrisréttindi "tikka" inn bara af því að einhver verður ráðherra óháð hversu lengi hann er ráðherra. 

Vil leggja fram að ALLIR þingmenn (hvort sem þeir verði ráðherrar eða forsetar alþingis eða hvað það nú er) verði einfaldlega á venjulegum þingmannalaunum og kjörum þangað til ný ríkisstjórn tekur við... og helst eftir það líka þangað til búið er að hanna nýtt skipulag til aðgreiningar löggjafarvalds og framkvæmdavalds.

Þetta þýðir að ráðherrastöðurnar eru einungis táknrænar, alþingi allt ber þá ábyrgð að einangra framkvæmdavaldið á ný.

Rétt að minnast á þær röngu hugmyndir sem fólk hefur um "leiðtoga". Það að vera leiðtogi þýðir í raun að þú hefur EKKERT vald. Þín ábyrgð er að framkvæma vilja þeirra sem þú leiðir en gefur þér ekki réttindi til þess að flagga þér og þínum. Bara smá áminning...

Ég er ekki að fara í fússi

Nei nei nei og nei.

Afsakið neikvænina.

... en nei. Þetta er ekkert nema endurtekning.

Nei-in mín eiga við alla hina stjórnmálaflokkana líka ... og ástæðan fyrir því er að flokkakerfið eins og það er núna er gerspillt. Það átti að hjálpa fólki að komast inn í stjórnmál, hjálpa...

Ef það á að halda kosningakerfinu á grundvelli vals á milli flokka þá verður að opna fyrir framboði allra þegar kjörið er á lista flokkana jafnframt því að leyfa hverjum sem er að kjósa.

Sérstaklega til XD, hendið þessari leiðtogadýrkun ykkar út um gluggann. Lýðveldi virkar þannig að enginn einn er ómissanlegur eða mikilvægari en annar.

Fjórir þingmenn aðallega nefndir

Nýtt kerfi

Nýtt kerfi já, en hvernig á nýtt kerfi að vera?

Miðað við hvað hefur verið í gangi á undanförnum árum þá verðum við að spyrja okkur hvað viljum við? Það er kallað eftir ábyrgð (sem beinist gegn spillingu og mistökum) og það er einnig kallað eftir hreinskilni.

Ég hef svo sem fjallað aðeins um þetta áður. Það er ekki hægt að byggja inn ábyrgð í kerfi nema markmið og starfsferli séu skýr og skilmerkileg. Ef farið er út fyrir ákveðin starfsferli þá má spyrja um spillingu og ef markmið eru sniðgengin þá má tala um ábyrgð vegna mistaka.

Í núverandi skipulagi þá er spilling innbyggð í flokkakerfið. Röðun manna á lista til kosninga (hvort sem það er gert af miðstjórn flokkanna eða af skráðum meðlimum þeirra) sem og hvernig útstrikanir á kjörseðlum eru hunsaðar eru svartur blettur á lýðræðinu. 

Það er að vísu ekkert sem segir að hver einstaklingur geti ekki verið skráður í alla flokkana og þannig boðið sig fram eða kosið í "uppröðun" listanna. Því miður eru flokkarnir samt eini vettvangur fólks til þess að bjóða sig fram til samfélagsþjónustu á alþingi, stökkbretti fyrir suma og veggur fyrir aðra.

Orðin "nýtt kerfi" segir heldur ekkert til um hvort það sé betra en "gamla kerfið" eða ekki. Það segir okkur einungis að okkur finnst allavega hlutar gamla kerfisins vera gallaðir. Nægilega mikill hluti gamla kerfisins til þess að lagfæringar á því búi í raun til "nýtt kerfi". 

... Mig langar bara til þess að heyra hvað þetta nýja kerfi á að gera.

Hænuskref í rétta átt

Starfsstjórn

"Þó það sé orðið ljóst úr þessu að það mun sitja einhvers konar starfsstjórn"

 Hvað sem gerist þá má ekki stokka upp í stólum framkvæmdavaldsins fyrir kosningar. Ef Geir hættir sem forsætisráðherra vegna veikinda fyrir kosningar þá viljum við ekki enn eina borgarstjóradramatíkina (það myndi þýða 3 forsætisráðherrar á þessu ári). Leysið málið öðruvísi takk fyrir ... Með því til dæmis að láta þá sem sinna störfum forsætisráðherra ef hann er ... annarsstaðar ... sjá til þess að allt gangi fram að kosningum.

Ég vil bara ekki sjá neina brauðmola falla til "gæðinga" á síðustu metrunum ... nógu slæmt er ástandið án þess að láta almenning horfa upp á svoleiðis spillingu aftur (vísa til seðlabankastjóra)

Steingrímur J.: Sleginn út af laginu

Vald spillir ... heilsu? - Kosningar í prófum

Fréttir hér í US fjölluðu um rannsóknir sem bentu á að forsetaembættið ylli því að þeir sem gegna því eldist hraðar:  http://www.boston.com/news/politics/2008/articles/2009/01/04/the_graying_of_the_presidents/

Streita er líka mögulegur valdur offitu barna: http://www.mbl.is/mm/folk/frettir/2009/01/22/streita_studlar_ad_offitu_barna/

Ég bara spyr þegar forustumenn beggja stjórnarflokkanna leggjast í veikindi :(

Allavega... Hvernig stendur á því að kosningar eru alltaf settar í mitt próftímabil eða prófundirbúningtímabil nemenda? Er viljandi verið að bola þessum hópi fólks frá því að taka virkan þátt í kosningabaráttunni??

Ekki misskilja að  ég fagna kosningum í vor ... en af hverju alltaf á þessum tíma?

Geir: Kosið í maí

Aðferir mótmælenda

Friðsamleg mótmæli Ghandi virkuðu vegna þess að Bretar mættu mótmælendum með ofbeldi.

Martin Luther King Jr. mætti fordómum með rökum.

Upplýsingin var mismunandi í Frakklandi, Bretlandi og Bandaríkjunum vegna þess að hugmyndinni var tekið á mismunandi hátt af stjórnvöldum.

Íslensk stjórnvöld beita aðferð sem miðast að því að láta eins og mótmælendur séu ekki til, stóla á gleymsku. Aðferðir mótmælenda verða því að taka tillit til þess.

Við megum ekki gleyma! Við megum ekki hætta! Mótmælendur þurfa stöðugt að minna á að þeir eru þarna og munu ekki gleyma.

Ég er sjálfur óheppilega langt í burtu (argh!) ... en langar til þess að skjóta nokkrum hugmyndum að fólki sem getur kannski komið þeim á framfæri.

- Upptökur af "merkilegum" setningum ráðamanna ... safnið þeim saman og spilið hátt og snjallt á sem flestum stöðum. Mæta kannski með bifreið sem búin er góðum hljómflutningstækjum og spila fyrir framan mikilvægar staðsetningar.

- Myndir af fólki með setningarnar þeirra hér og þar um borg og býli.

- youtube myndbönd af viðtölum sem ... sýna mistökin. Dreifið þeim til vina og kunningja á fésbók (95% íslendinga á milli 20 - 30 eru á fésbók).

... hljóð og mynd! Stöðug áminning.

Mótmælt við þinghúsið á ný

Löggjafavald vs framkvæmdavald

Hvort er það löggjafavaldi, framkvæmdavaldi eða hvoru tveggja að kenna?

Er fólk að mótmæla fyrir utan stofnun löggjafavaldsins til þess að hrekja þingmenn á brott eða er það til þess að fá þingmenn til þess að reka framkvæmdavaldið burt?

"skrítið að alþingismönnum hafi allt að því verið haldið í herkví inni í þinghúsinu" ...

- Lög um ráðherraábyrgð

- (Stjórnarskrá íslenska lýðveldissins) 14. gr. Ráðherrar bera ábyrgð á stjórnarframkvæmdum öllum. Ráðherraábyrgð er ákveðin með lögum. Alþingi getur kært ráðherra fyrir embættisrekstur þeirra. Landsdómur dæmir þau mál.

Það má vel færa fram þau rök að alþingismenn séu kjörnir til fjögurra ára nema forsætisráðherra rjúfi þing. Öðru máli gegnir hins vegar um ráðherra.

Hér er því tvennt sem fólk vill koma á framfæri:

- Forsætisráðherra rjúfi þing (honum hefur verið framselt það vald frá forseta lýðveldisins).

- Alþingi dragi ráðherra til ábyrgðar.

Nei, það er því ekkert skrítið við að alþingismönnum ásamt forsætisráðherra sé haldið í herkví.

 

Mótmæli mega ekki snúast upp í andhverfu sína

Landafræði og pólitík

Eins og Obama nefnir í ræðu sinni þá eru Bandaríkin það land í heiminum þar sem fólk hefur komið úr flestum áttum. Þess vegna segir hann að BNA séu svona vel til þess fallin að vera í fararbroddi þjóða í heiminum.

Aðeins að öðru fyrst.

Úr frétt MBL: "Þá sagði hann að hryðjuverkamenn í heiminum muni lúta í lægra haldi fyrir Bandaríkjunum. "

Obama segir: "Með gömlum vinum og fyrrum fjendum ... ". Það má svo sem deila um hvað "we" innifelur eftir að hann bætir þessari setningu við ræðuna en miðað við boðskapinn þá á hann ekki eingöngu við BNA.

BNA eru jú vel til þess fallin að vera í fararbroddi þjóða sem mótmæla hryðjuverkum og stuðla að lýðræði og jafnrétti (BNA útgáfunni af því). BNA er lang stæsta vestræna þjóðin með um þriðjungi fleira íbúa en Þýskaland sem er næst stæst og margfalt stærri að flatarmáli. Allar þjóðir eiga bandaríska ættingja.

BNA á samt við sama vandamál að stríða eins og Ísland. Ekki fjármálakreppuna, heldur lygina. Í BNA þá hefur þú frelsi til þess að láta ljúga að þér. Það er þitt að gera upp um á milli hvaða lygi þú kýst... Stundum er lygin þögn og stundum er lygin svo ber að kynlífsfíkill fengi áfall.

Obama hins vegar hefur náð því að verða tákn um breytingar. Orð hans:
"Obama segir að nú sé runninn upp tími ábyrgðar. Allir Bandaríkjamenn verði að viðurkenna að þeir hafi skyldum að gegna gagnvart sjálfum sér, þjóðinni og umheiminum. Skyldur sem Bandaríkjanmenn eigi að vera reiðbúnir að axla fúslega."
Bera þess merki að annað hvort sé hann tilbúinn til þess að hætta að ljúga og gerbylta sýn okkar á heiminn eða að hann er einfaldlega bara að nýta sér að fólk vill hætta að láta ljúga að sér.

Ég trúi því að hann vilji hætta að ljúga en hvort hann geti það er annað mál. Ég skora á íslenska ráðamenn að hætta að ljúga, hætta að þegja. Standið upp og hagið ykkur eins og fólk.

Obama: „Við erum reiðubúin að leiða á ný“