Endurtekning (tvöföld merking)

http://bjornlevi.blog.is/blog/bjornlevi/entry/851810/

Bara vekja athygli á tilgangi þess að stjórnmálaflokkar opni fjármál sín.


mbl.is „Augljós mistök“
Tilkynna um óviðeigandi tengingu við frétt

... og þetta eru líka mistök

http://ekg.blog.is/blog/ekg/entry/851721/

Tilgangur þess að opna fjármál stjórnmálaflokkanna er að minnka spillingu. Ef ákveðnir aðilar geta komist upp með að styrkja flokkinn í gegnum millilið þá er tilgangslaust að opna fjármál flokkanna, þær upplýsingar segja í raun ekki neitt um hverjir í raun og veru styktu flokkinn.

Ég segi því "meira bull", þó að ég verði að öðru leiti að hrósa EKG fyrir þessa grein því hún er að öllu leiti mjög vel skrifuð. Gallinn eins og ég sagði áður er að opið bókhald þýðir að við viljum vita hver það var sem opnaði budduna og styrkti flokkinn.

Vil bæta því við að það getur vel verið að þeir sem styrkja vilji halda nafnleynd, og flokkurarnir fái aldrei að vita hverjir í raun og veru styrktu þá ... og þannig geti þeir haldið hlutleysi sínu. Hins vegar þá er mjög erfitt að fylgja því eftir, bara að það sé möguleiki á bakherbergis-samningum þýðir að sú aðferð er gölluð.


GÞÞ bað ekki um styrk, hann bað aðra að biðja um styrk

"Hið rétta er að ég fékk nokkra einstaklinga í flokknum til að aðstoða skrifstofu hans við fjársöfnun sem fram fór síðari hluta árs 2006. Ég óskaði ekki eftir styrk frá neinu ákveðnu fyrirtæki eða einstaklingi til Sjálfstæðisflokksins"

Í alvöru maður... er einhver munur á því?

Ég skal sko alveg trúa því sem þú segir þarna, 100% satt... tíu fingur og alles vegna þess að þetta er hreint út sagt játning á því að þú hafir beinlínis aflað fjár fyrir flokkinn. Aðferðin sem þú beitir er tilraun til þess að firra þig ábyrgð ... en gerir það alls ekki.

Hvers vegna ekki? Býst ekki við því að þú hafir sérstaklega tekið fram hvernig átti að afla styrkja? Áttu þeir sérstaklega að forðast að fá styrki frá einstaklingum og fyrirtækjum? Ef þú gefur starfsmönnum þínum lausan tauminn til þess að ná einhverju takmarki þá BERÐ ÞÚ ÁBYRGÐ Á HVERNIG ÞEIR NÁ ÞVÍ TAKMARKI!!!! Sem stjórnandi berð þá ábyrgð á ákvörðunum, aðferðum og niðurstöðum.

Þú segir hér skírt og skilmerkilega að þú  hafir látið fólk safna fé og beina því fé til skrifstofa xD. Með því berð þú ábyrgð á þeirri ákvörðun, þeim aðferðum sem fólkið notaði við söfnunina og skilum á því fé til xD.

takk, bless ... og vinsamlega ekki koma aftur.


mbl.is Guðlaugur Þór: Ég óskaði ekki eftir styrk
Tilkynna um óviðeigandi tengingu við frétt

Annan eins hvítþvegin heilaþvott hef ég ekki heyrt...

... í langan tíma.

 Hver málsgrein endurspeglar annað hvort berar lygar eða þvílíka veruleikafirringu að ég bara veit ekki hvað.

"Capacent um fylgi stjórnmálaflokkanna séu vonbrigði fyrir Sjálfstæðisflokkinn. "
Vá, ég held frekar að þeir megi hrósa happi fyrir að vera með samt heil 25%.. finnst það sjálfur allt of há tala miðað við ábyrgð.

"um leið og umræðan fari að snúast um hugmyndafræði og stefnumál muni flokkurinn rétta hlut sinn"
GARG! Var það ekki hugmyndafræði og stefnumál xD sem olli öllu þessu veseni?!? Hvernig í ósköpunum ætla þeir að voga sér að hamra á því gamla drasli ... sé ekki að neitt hafi breyst þar.

"Þeir segjast ætla að fara blandaða leið, en hvað þýðir það?"
Villand spurning, það er búið að svara hvað "blönduð leið" þýðir. Gagnrýndu hvaða skilgreiningu þeir setja í "blönduð leið" en ekki láta eins og svarið sé ekki til.

"hætti að einblína á uppgjör við fortíðina"
forgive and forget? Annað GARG! Ég er alveg viss um að þau skilja þetta vel þarna í xD að fortíðaruppgjör kemur þeim bara illa. Þegar þjófar eru dæmdir fyrir brot sín þá er það líka fortíðaruppgjör (stuldurinn gerðist áður en dómur var kveðinn)

"Lausnin er ekki fólgin í því að setja eignarskatta á eldri borgara og svo framvegis"
Þetta kallast að leggja orð í munn... vinsamlega útvega heimild fyrir þessari staðhæfingu eða sleppa því að segja svona... skamm!

"Í ljósi atburða vetrarins hefur spjótunum verið beint að okkur."
Endurtekning á "uppgjör við fortíðina" ... svona endurtekningar segja alla þá sögu sem segja þarf.

"sérstaklega Samfylkingin, hafa komið út úr þessu eins og hvítþvegin bleyjubörn"
Já er það? Ég stórlega efast um þessa staðhæfingu ... þetta hljómar eins og annað hvort Þorgerður viti um eitthvað sem gerir það að verkum að xS eigi ekki "hvítþvottinn" skilið EÐA hún er að ýkja hversu vel xS kemur frá þessu öllu ... tilganginn með því hljóta allir að sjá auðvitað. Ég spyr bara, getur hún dæmt hvernig hinir og þessir sleppa með mannorðið frá þessum hörmungum?

"Við höfum farið í okkar uppgjör á heiðarlegan og opinskáan hátt og við munum ganga hreint til verks,“ segir Þorgerður. Hún segir það með miklum ólíkindum að Samfylkingin hafi komist hjá því að gera upp hlutina."
Endurtekning + staðhæfing á sakleysi. Ef einhver myndi trúa því að þetta uppgjör sem hún talar um hefði verið heiðarlegt og opinskátt þá væri flokkurinn með hærra fylgi. Þá er ég að gera ráð fyrir auðvitað að enginn sem væri orsakavaldur atburða undanfarinna ára væri enn í framboði fyrir flokkinn.

Finnst alltaf jafn merkilegt þegar xD fólk talar... vantar alltaf rökstuðning eða heimildir fyrir staðhæfingum. Eru þau með einhvers konar þjálfunarbúðir í hvernig á að tala svona eða?


mbl.is „Hvítþvegin bleyjubörn“
Tilkynna um óviðeigandi tengingu við frétt

Aðeins um Bjaddna (áhersla á D)

http://www.mbl.is/mm/frettir/sjonvarp/?fl=0;media_id=23734;play=1&ref=fpsjonvarp

Þvílíkt og annað eins bull hef ég ekki heyrt í langan tíma. Skera niður barnabætur? Skera niður (miðað við fyrri orð) í heilbrigði og menntamálum = skammtímalausnir sem rýra verðmætasköpun og dæma okkur til glötunar svo ekki sé tekið sterkar til orða.

Hvernig dirfist maðurinn að tala um stöðugleika. Hversu oft var orðið STÖÐUGLEIKI notaður um efnahag undanfarinna ára? Hvaða nýjar aðferðir er hann að bjóða til þess að auka stöðugleika? 

Hann talar um atvinnulíf, ok.. fínt og á sama tíma niðurskurð í opinbera geiranum (þar fara "öruggu" störfin ... fólk sent í óöruggara umhverfi að gera sömu hluti).

Skattalækkanir ... já já, höfum heyrt það áður.

Velferð ... uss, sjá síðustu færslu.

Einstaklingsframtakið ... bíddu, var það ekki það sem bankarnir fengu að gera?

GARG!


Afsakið, en ég hló upphátt (HU!)

"Hann sagði að aðrir flokkar hefðu reynt að slá eign sinni á hugtakið velferð. "

Hversu kaldhæðnislega hljómar þetta af vörum formanns xD? Í baksýnisspeglinum sjáum við velferð undanfarinna ára í lánuðu gervi einkavinavæðingar og Enron-legra aðferða. Framundan er vegurinn ómalbikaður, einbreiður, óbrúaður og hlykkjóttur... og líklegra frekar en ekki er að umferðin sé í öfuga átt miðað við okkur.

Mikið eru xD "menn" samt heppnir að hafa:

... já, þetta er kaldhæðni.


mbl.is Nýrri kynslóð treyst til verks
Tilkynna um óviðeigandi tengingu við frétt

... og stuðningur við Íraksstríðið var mesta illivirki Íslandssögunnar

Neitun á fjölmiðlafrumvarpið = „mesta pólitíska skemmdarverk“ samkvæmt DO.

Ég skal vera hugmyndafræðilega sammála því að eignarhald á fjölmiðlum skal stuðla að hlutleysi fjölmiðilsins ... en fjölmiðlafrumvarpið snérist eingöngu um að koma eignarhaldi frá nei mönnum til já manna. Ég styð það með því að ef raunveruleg hugmyndafræði hefði verið bak við fjölmiðlafrumvarpið þá hefði fengist þverpólitísk samstaða um það mál ...

Ég myndi alveg vilja sjá fjölmiðlafrumvarp aftur ... og ég myndi líka vilja sjá gögn um:
"Davíð sagðist hafa barist fyrir því að hafa hámarkseign 3 - 8 prósent en Samfylkingin hefði barist á móti því." Ég þekki engar heimildir sem styðja þetta annað en innantóm orð sem ekkert mark er hægt að taka á. Svona "covering" your bases. Í alvöru... barðist samfylkingin (þá í stjórnarandstöðu) gegn því að hámarkseign væri 3 - 8% ... vildu þeir lægri eða hærri hámarksprósentu. Ekki gleyma að þessi staðhæfing er jafn rétt ef samfylkingin barðist fyrir lægri eignarhaldsprósentu ...

Hvernig í ósköpunum stendur á því að samfylkingin (ef þeir vildu hærri eignarhaldsprósentu) fengu sínum vilja framfylgt þegar þeir voru í stjórnaandstöðu? Er DO í alvöru að segja að stjórnarmeirihluti D og B í einkavæðingu bankanna fékk engu ráðið um hámarkseignarhluta? 

Mig langar til þess að öskra á þennan mann og þetta bull sem hann getur látið út úr sér... og öskra á alla þá sem lepja upp orð hann sem heilagan sannleik. Hvernig kemst hann upp með að líkja sér við Jesú sem samkvæmt sögunni fórnaði sér fyrir syndir manna. Er DO með því að víkja sem seðlabankastjóri að frelsa Íslendinga frá skuldum sínum og sjálfur að axla þær?

GAAAAAAARG!!!


mbl.is Víkingar með Samfylkingu
Tilkynna um óviðeigandi tengingu við frétt

Röng forsenda leiðir til rangrar niðurstöðu

"...hugsa heilbrigðismál upp á nýtt til að skapa meiri verðmæti fyrir minna fé."

Á að vera "hugsa heilbrigðismál upp á nýtt til að skapa meiri GÆÐI fyrir minna fé". 

"Ekki má skilja þennan lið ályktunarinnar öðruvísi en svo að þarna sé flokkurinn að leggja aukna áherslu á einkarekstur í heilbrigðis- og menntamálum."

Nú? Eru þeir búnir að finna upp einhverja nýja töfralausn um hvernig á að búa til verðmæti án þess að einkavæða? Þetta er xD sem við erum að tala um hérna, ef þeir segja eitthvað þessu líkt þá verða þeir að útskýra hvað þeir meina annað en einkarekstur.


mbl.is Hugsa þarf heilbrigðismál upp á nýtt
Tilkynna um óviðeigandi tengingu við frétt

Það á ekki að vera hægt að tala verðmæti upp eða niður

Vandamálið í hnotskurn er að verðmæti hafa verið "töluð" upp ... sem á ekki að vera hægt. Að sama skapi þá á ekki að vera hægt að tala efnahagslífið niður.

Snýst allt um samkvæmni (e. consistency). Án samkvæmni þá er efnahagslífið einungis spádómar og í umhverfi spádóma ... fyrst það má tala efnahagslífið upp þá hlýtur að mega tala það niður.


mbl.is Ekki má „tala niður" íslenskt efnahagslíf
Tilkynna um óviðeigandi tengingu við frétt

Ég spyr aftur ...

... hvernig er "skipað" í þessi ráð?


mbl.is Geir óttast um bankaráðin
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband