Dagleg lygi

http://eyjan.is/2011/02/20/bjorn-valur-hljotum-ad-snuast-til-varnar-indefence-sagdi-forsetanum-rangt-til/

„Það er ekki tilviljun að níu af ellefu þingmönnum í fjárlaganefnd greiddu þessum samningi atkvæði sitt á alþingi. Sú afstaða var tekin að vel ígrunduðu máli og byggðist á öllum tiltækum gögnum sem það snerta, bæði opinberum upplýsingum og trúnaðarskjölum,“

Smá uppsetning hérna:
- Það eru ýmis trúnaðarskjöl tengd IceSave, það má ekki fjalla um þau í fjölmiðlum eða hvaðeina.
- Almenningur á að geta tekið upplýsta ákvörðun í kosningu um málið ... án þeirra upplýsingar sem eru í þessum trúnaðarskjölum.
- Þeir sem mæla með eða á móti hafa ýmist aðgang að þessum upplýsingum eða ekki.
* þeir sem hafa aðgang gefa ástæður sem innihalda ekki efni trúnaðarskjalanna og eru því væntanlega að gefa rangar ástæður (ekki fullkomnar) fyrir máli sínu og því er ekki hægt að sannfærast um þær niðurstöður sem þeir kynna. Svona eins og að segja að bíllinn sé að keyra á 60 km/klst án þess að vera með hraðamæli.
* þeir sem hafa ekki aðgang eru bara að tala út í loftið eða byggja bara á opinberum upplýsingum ... niðurstöður sem gætu breyst með meiri upplýsingum.

Lokaniðurstaðan er að hver sem tjáir skoðun sína á þessu máli er einfaldlega að ljúga ... annað hvort af því að hann má ekki gefa upp öll rök eða hann veit ekki öll rök.