Hvað var ég að skrifa í gær...

Sendið þessa menn í grunnskóla aftur til þess að læra stærðfræði... æ, nei, ég gleymdi að það er ekki sólundað peningum í menntakerfið þannig að fólk læri gangslausa hluti eins og að margfalda, deila og nota prósentur.

Hvað er að þeim að halda að 12 faldar skuldir miðað við framleiðslu geti nokkurn tíma gengið? "þetta hefði verið í lagi ef alþjóðleg bankakreppa hefði ekki skollið á". Hvers konar fífla staðhæfing er það. Vandamálið er að ALLIR voru að gera það sama. Allir voru með einhverjar margfaldar skuldir miðað við framleiðslu...

uss, ég bendi bara á blog mín um þetta frá því í gær og áður. Verst að ég hef ekki verið duglegri að setja þetta á prent svona svo hægt væri að benda meira og segja "ha ha!".

Skuldir bankanna þjóðinni ofviða

Athugasemdir

[Óskar Aðalgeir Óskarsson, 6.10.2008 kl. 19:25]

Það hljóta allir sem hafa einhverja smáskynsemi að hafa séð þetta fyrir.Hættið þessari blindu trú á græðgina.

[Björn Leví Gunnarsson, 6.10.2008 kl. 19:47]

heh, þetta er í raun eitt stórt píramídasamsæri :D

Smá uppsetning. Ef kapítalískt markaðskerfi snýst um vöxt þá gerist eftirfarandi:

- Allir sem hefja þáttöku í kerfinu koma inn í kerfið með ákveðið mikið af pening. Sá sem á mestan pening kemur til með að græða mest vegna þess að jöfn prósentuhækkun á alla í kerfinu gerir það að verkum að sá sem á mest fær mest.

- Markaðskerfi sem snýst um vöxt þýðir að ef einhver græðir þá þarf einhver að borga fyrir þann gróða. Að grunni til þá er það framleiðsla sem borgar fyrir þann gróða. Ef það er bara framleiðsla sem greiðir vöxtinn þá er allt í góðu gengi.

- Enn vex markaðurinn og sá sem byrjaði með mest fær nú enn meira og svo framvegis. Alltaf borgar einhver fyrir vöxtinn þangað til sá sem á mest þarf að fá svo mikið að framleiðsla nær ekki að greiða það upp.

- Að lokum er sá stæsti búinn að þurrka upp alla aðra af því að sá sem á mest vex mest og getur þar af leiðandi þvingað aðra út.

Þannig endar kapítalismi í kommúnisma, í stað þess að það sé ríkið sem deilir og drottnar meðal þegna sinna þá er það stæsti aðilinn á markaðnum sem deilir og drottnar meðal starfsmanna sinna.

 Kaldhæðnislegt er það ekki?